Nikol Paşinyan Azərbaycan və Türkiyənin irəli sürdüyü bütün fikirləri böyük məmnuniyyətlə qəbul edir. Qərbi azərbaycanlıların Ermənistan ərazisinə köçü də bu məsələlərdən biridir.

Axar.az Globalinfo.az-a istinadən xəbər verir ki, bunu azərbaycanşünas erməni ekspert Armine Adibekyan deyib.

“Azərbaycanlıların Ermənistana köçürülməsi ölkənin sonu deməkdir. Gələcəklər, qaydalara uyğun yaşayacaqlar, amma daxildə birləşib təşkilatlanacaqlar. Onların məskunlaşmasından sonrakı 10 il müddətdə Ermənistan çökəcək, asimilyasiyaya məruz qalacaq, dilimiz unudulacaq. Millət olaraq yox olacağıq. Nikol Paşinyan da buna icazə verir.

Azərbaycanlılar və türklər son üç ildə Ermənistan ərazisində mülk satın almağa başlayıblar”.