Sərkisyan iqtidara gəlməsini Dağlıq Qarabağ münaqişəsi ilə əlaqələndirməyə, daha doğrusu səhra komandiri olduğunu qanuniləşdirməyə çalışır və gələcək seçkilərdə əsas məsuliyyəti bir daha parlamentin üzərinə qoyur.

Bu barədə Axar.az-a açıqlamasında politoloq Arzu Nağıyev danışıb. Onun sözlərinə görə, hazırki durumda parlamentli respublikaya keçiddə bir neçə variant ola bilər:

"Birincisi, Sərkisyan indiyə qədər etdiyi cinayətləri ört-basdır etmək üçün məsuliyyəti öz üzərindən atmaq istəyir. İkincisi, gələcəkdə qəbul ediləcək mühüm qərarlarda da üzərinə düşəcək məsuliyyətdən qaçır. Təbii ki, bütün bu deyilənləri cəmiyyət başa düşür və Qarabağ klanının sonunun çatmasını istəyir. Məhz bu məqsədlə də mitinqlər keçirilir və narazılıqlar hər ötən gün artır. Digər tərəfdən bu proseslər iqtidar və müxalifət arasındakı gizli danışıqlar da ola bilər. Qərbin xoşuna gəlmək üçün demokratiyanın imitasiyasını keçirən iqtidar bununla Avropa dəyərlərinə sadiq olduğunu nümayiş etdirir. Düşünürəm ki, Ermənistanla bağlı əsas qərarı Rusiya verəcək. Yalnız bundan sonra sakitlik bərqərar olacaq".