31 illik ailə həyatı təcrübəmizdə özümüzə məxsus Yeni il axşamı ənənəmiz yaranıb.

Bu barədə millət vəkili Aydın Mirzəzadə Yeni illə bağlı təəssüratlarını Axar.az-a bölüşərkən deyib.

Millət vəkili Yeni ili belə qarşıladığını bildirib:

"31 illik ailə həyatı təcrübəmizdə özümüzə məxsus Yeni il axşamı ənənəmiz yaranıb. 30-31 dekabrda mənzilimizdə böyük bir yır-yığış edirik, Yeni ili təmizlik və səliqə ilə qarşılayırıq. Süfrəmizdə bir qayda olaraq aş, dolma və meyvə olur. Stol qab-qacağı isə gündəlik işlətdiyimiz yox, qonaqlar üçün olanlardan istifadə edilir. Adətən stol ətrafına saat 8:00 də yığışırıq. Ata ötən ildən danışır, sonra isə hər birimiz ürək sözlərimizi deyir, bayramımızı təbrik edirik. Sonra dostları və yaxın insanları təbrik edir və təbriklərə cavab veririk. Saat 12-də televizorda cənab Prezidentin təbrikini dinləyir və pəncərdən şəhərdəki atəşfəşanlığa baxırıq".