11:48

Azərbaycanın rus sülhməramlıların müvəqqəti məsuliyyət zonasında yerləşən Xankəndi şəhərindəki separatçıların rəhbəri Araik Arutyunyanın "istefa" verəcəyi bildirilir.

Axar.az xəbər verir ki, bu barədə "Hraparak" öz mənbəsinə istinadla yazıb.

İddia edilib ki, separatçı dəstənin "dövlət naziri" Qurgen Nersisyan da "istefa" verir. "İstefalar" iki saat müddətində açıqlanacaq.

Arutyunyanın "səlahiyyətini" separatçı dəstənin "təhlükəsizlik şurası katibi" Samvel Şahramanyana keçəcəyi də bildirilir.

Erməni bloger Mikael Badalyan da özünün Teleqram kanalında qeyd edib ki, onda olan məlumata görə, bu axşama qədər “artsax”ın və Araik Arutyunyanın “prezident” kimi taleyi ilə bağlı mühüm qərarların qəbul edilməsi ehtimalı yüksəkdir.

“Araik və Samvel Babayan Ağdam-Xankəndi yolunun açılması üçün lobbiçilik edir, qalanları isə bu cür güzəştlərin əleyhinədir”, - Badalyan bildirib.