2023.09.23. 22:19

Keçmiş Sovet İttifaqının bir sıra digər ölkələrində olduğu kimi, Ermənistanda da qeyri-hökumət təşkilatları, o cümlədən bir çox Qərb fondları vasitəsilə ABŞ-ın və onun müttəfiqlərinin maraqlarını təşviq edən güclü lobbi var. Bu maraqların Rusiyanın təsirini sarsıtmaq olduğu bir həqiqətdir.

Axar.az xəbər verir ki, bu sözləri Rusiyanın xarici işlər naziri Sergey Lavrov BMT Baş Assambleyasının 78-ci sessiyasının yüksək səviyyəli həftəsindən sonra keçirilən mətbuat konfransında deyib.

“Ermənistanda belə təşkilatlar çoxdur. Və əvvəlki iğtişaşlar olanda, cənab Paşinyan əvvəlki hakimiyyətin əleyhinə çıxış edəndə, ədalət tələb edəndə bütün bunlar özünü büruzə verdi.

Biz bunu süni şəkildə alovlanmış ehtiraslar kimi qəbul edirik. Bir daha təkrar edirəm: bunda kimin maraqlı olduğunu, kimin rəhbərlik etdiyini bilirik. Təəssüf ki, Ermənistan rəhbərliyi öü vaxtaşırı odun üstünə yağ tökür”, - o qeyd edib.