Gürcüstan qazın mal kimi öz cazibədarlığını itirdiyi vaxt qaz qovşağına çevrilir.

Axar.az xəbər verir ki, bunu öz Feysbuk səhifəsində gürcü politoloqu Gela Vasadze söyləyib. Onun sözlərinə görə, hazırda qaz ixracatçıları arasında rəqabət artır:

"Bizim regionda onların sayı ikidir – Azərbaycan və Rusiya. Görünür, 10 il ərzində bizim enerji azadlığımızı təmin edən və sadəcə olaraq 2007-ci ilin ağır qışında soyuqdan donmağa imkan verməyən Azərbaycana borcumuzu qaytarmaq zamanıdır. Mən hələ hamımızın çox yaxşı bildiyi digər faktorlardan danışmıram. Lakin Gürcüstan hakimiyyəti məhz indiki dövrdə nədənsə "Qazprom"un yanında heç bir ilkin şərtsiz yer almağa üstünlük verib. Əgər ilkin şərtlər olubsa belə, bunlar yalnız şəxsi xarakter daşıyıb".

Qeyd edək ki, Gürcüstan "Qazprom"la kommersiya qazının alışı barədə danışıqlar aparır. Rusiya ilə bərabər Tiflis artıq İrandan da qaz almaq niyyətindədir. Gürcüstanın qaza olan tələbatının böyük bir hissəsini hazırda Azərbaycan ödəyir.