Türkiyə Prezidenti Rəcəb Tayyib Ərdoğanın bir neçə gün öncə prezident üsul-idarəsi haqda Adolf Hitlerdən nümunə gətirməsi ölkə mediasında hələ də əsas müzakirə mövzusudur.

Axar.az xəbər verir ki, araşdırmalar nəticəsində Hitlerin müsəlmanlara qarşı münasibətini əks etdirən bəzi tarixi sənədlər ortaya çıxıb.

"Bu gün" qəzetinin 12 yanvar 1969-cu ildə dərc olunan sayında da məhz elə bu məqama toxunulub. "Hitler müsəlmanların vəfalı dostu idi" başlıqlı məqalədə faşist diktatorun müsəlmanlara olan münasibəti haqda məlumat verilib.

"Hitler müsəlmanlara sonsuz hüquqlar vermişdi. Hitler müttəfiqlərinin təbliğatında dinsiz və allahsız təsəvvür olunsa da, minlərlə müsəlman könüllü olaraq Almaniya ordusuna qoşulmuşdu. Hitler heç vaxt müsəlmanlara zərər verməyib. Onun ordusundakı müsəlmanlar gündə beş dəfə namaz qılırdı. O, ordusunda müsəlmanlara müstəsna səlahiyyətlər vermişdi", - sözləri qeyd olunub.