İran və Səudiyyə Ərəbistanı arasındakı son münasibətlər ölkəmizi narahat edir.

Axar.az xəbər verir ki, bunu Azərbaycan Prezidenti İlham Əliyev Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.

"Dünyada yaşanan sivilizasiyalararası anlaşılmazlıq Azərbaycanı da narahat edir. Ölkəmiz bu təhlükəli meyillərin müsbət məcraya yönəldilməsi üçün səylərini artıracaq. Ötən il Rusiya-Türkiyə münasibətləri kəskinləşdi. Hər iki ölkə Azərbaycanla yaxın qonşudur və bu vəziyyət arzuolunan deyil. Son vaxtlar İran və Səudiyyə Ərəbistanı arasındakı münasibətlər də ölkəmizi narahat edir. Bu vəziyyət müsəlman aləmində baş verən hadisələrə təsir göstərir", - Prezident bildirib.