12:38

İstanbulda Sultanəhməd meydanında partlayış baş verib.

Axar.az xəbər verir ki, bu barədə məlumatı Türkiyə mətbuatı yayıb.

Hadisə yerində ölən və yaralananların olduğu bildirilir.

***

Sultanəhməd meydanında baş verən partlayış canlı bomba vasitəsilə törədilə bilər.

Axar.az xəbər verir ki, bu iddianı Türkiyə mətbuatı yayıb.

"Sözcü" qəzetinin məlumatına görə, partlayış nəticəsində ən azı 10 nəfər həyatını itirib. Həmçinin ərazidən keçən bütün tramvay xətlərinin fəaliyyəti müvəqqəti olaraq dayandırılıb.

***

Sultanəhməd meydanındakı partlayışda 10 nəfər ölüb, 15 nəfər yaralanıb.

Bu barədə İstanbul Şəhər Administrasiyası məlumat yayıb. Administrasiya nümayəndələri bu rəqəmin arta biləcəyini də bildiriblər.

Türkiyə mətbuatı isə ölənlərin 9-nun alman turistlər olduğunu yazıb.

Hazırda Türkiyənin Baş naziri Əhməd Davudoğlu Daxili İşlər nazir Əfqan Ala ilə görüşür. Görüşdə Alanın Davudoğluna partlayışla bağlı ən yeni məlumatları verəcəyi gözlənilir.