Bəzi Kütləvi İnformasiya vasitələrinin yaydığı Füzuli rayonunda keçirilən aksiya ilə bağlı Füzuli Rayon Polis Şöbəsinin əməkdaşı Samir Məhərrəm oğlu Səfərov və Binəqədi rayon Polis İdarəsinin əməkdaşı İlkin Vidadi oğlu İsmayılovun həbs olunması barədə xəbərlər yalandır. Bu informasiyanın heç bir əsası yoxdur.

Bunu Müsavat.com-a açıqlamasında DİN-in mətbuat xidmətinin rəis müavini Ehsan Zahidov deyib. O bildirib ki, bu informasiya yayılandan sonra araşdırma aparılıb, hər iki polis əməkdaşı ilə əlaqə saxlanılıb:

"Bu xəbər kökündən yanlışdır. Adları çəkilən şəxslər həbs olunmayıb. Onlar hazırda xidməti vəzifələrini icra edirlər".