Millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva Tailandın Turizm və İdman naziri Kobkarn Vattanavrangkul ilə görüşüb.

Axar.az xəbər verir ki, millət vəkili görüş zamanı Azərbaycanla bağlı geniş məlumat verib, ölkəmizin turizm potensialı və idman sahəsində əldə etdiyi uğurlar barədə danışıb.

Nazir Kobkarn Vattanavrangkul bildirib ki, ölkələrimiz arasında kifayət qədər uzunmüddətli diplomatik münasibətlər mövcuddur və qarşılıqlı səfərlərin artması, əməkdaşlığın daha da genişlənməsi çox vacibdir.

Turizm də daxil olmaqla, ölkələr arasında bütün istiqamətlərdə əməkdaşlığın inkişafı üzün böyük imkanların olduğunu xüsusi vurğulayan millət vəkili Tailandın turizm və idman nazirini Azərbaycana rəsmi səfərə dəvət edib.

Q.Paşayeva nazirə Ermənistanın işğal etdiyi Azərbaycan torpaqlarında törətdiyi vandalizm aktları, öz evinə dönə bilməyən 1 milyon azərbaycanlı qaçqın və məcburi köçkün, Xocalı soyqırımı ilə bağlı geniş məlumatlar verib.