Ana səhifə Gündəm |
Millət vəkili Qənirə Paşayeva Tailandın bir sıra nüfuzlu QHT və KİV-ləri ilə görüşdə Qarabağ həqiqətlərindən danışıb.
Axar.az xəbər verir ki, deputat Azərbaycanla Tailand arasında kifayət qədər uzunmüddətli diplomatik münasibətlərin mövcud olduğunu bildirib.
"Yaxın vaxtlarda münasibətlərin 25 illik yubileyi qeyd ediləcək. Toplumlarımızın qarşılıqlı olaraq bir-birini daha da yaxşı tanıması, əməkdaşlığın daha da genişlənməsi çox vacibdir və bu istiqamətdə QHT və KİV-lərin də üzərinə böyük bir missiya düşür", - millət vəkili qeyd edib.
Qənirə Paşayeva QHT və KİV rəhbərləri ilə görüşdə Ermənistanın işğal etdiyi Azərbaycan torpaqlarında törətdiyi vandalizm aktları, öz evinə dönə bilməyən 1 milyon azərbaycanlı qaçqın və məcburi köçkün, Xocalı soyqırımı ilə də bağlı geniş məlumatlar verib.
Millət vəkili həmçinin bir sıra tanınmış media və mətbuat nümayəndələrinə geniş müsahibələr verib və onları maraqlandıran sualları cavablandırıb.
Görüşün sonunda Qənirə Paşayeva Tailandın QHT və KİV rəhbərlərinə rəhbərlik etdiyi Avrasiya Beynəlxalq Araşdırmalar İnstitutu İB-nin hazırladığı və içərisində Qarabağ həqiqətlərini, erməni yalanlarını əks etdirən, ingilicə sənədli filmlərin olduğu "Azərbaycan həqiqətləri" film kataloqunu və müxtəlif materialları hədiyyə edib.
Tarix
2016.01.18 / 11:28
|
Müəllif
Aygün Yusibova
|