Struktur islahatları ilə bağlı artıq müəyyən addımlar atılıb. Bu tədbirlər daimi olmalı, bir-birini təkrarlayan və lazımsız dövlət qurumları ya birləşdirilməli, ya da ləğv olunmalıdır.

Axar.az xəbər verir ki, bunu Prezident İlham Əliyev iqtisadi və sosial məsələlərin həlli ilə bağlı bu gün keçirdiyi müşavirədə deyib.

"Struktur islahatları ilə bağlı artıq müəyyən addımlar atılıb. Bu tədbirlər daimi olmalı, bir-birini təkrarlayan və lazımsız dövlət qurumları ya birləşdirilməli, ya da ləğv olunmalıdır. Valyuta bazarının tənzimlənməsi ilə bağlı müvafiq göstərişlər verilib, təkliflər hazırlanıb. Bu sahədə qanunvericilik bazası möhkəmləndirilməlidir. Milli Məclisin növbədənkənar sessiyasında bu məsələyə baxılacaq", - prezident bildirib.

İlham Əliyev beynəlxalq ekspertlərin iştirakı ilə geniş özəlləşdirmə proqramının hazırlanması, bu işə xarici və yerli investorların cəlb olunması, iqtisadi canlanmaya nail olmaq üçün biznes mühitinin yaxşılaşdırılması ilə bağlı tapşırıqlar verib.