"Qazprom" Gürcüstana ultimatum verib.

Axar.az xəbər verir ki, bunu "Rustavi 2" televiziyasına açıqlamasında Gürcüstanın Energetika naziri Kaxa Kaladze söyləyib. Onun sözlərinə görə, Tiflis "Qazprom"un Gürcüstana tranzitə görə ödənişi qazla yox, pulla etməsinə qəti şəkildə etiraz edib:

"Bundan sonra bizə dedilər ki, Rusiyanın Ermənsitanı İran vasitəsilə qazla təchiz etməsi üçün real imkanları var. Birinci il çətin olsa da, növbəti illərdə "Qazprom" onun öhdəsindən gələcək. Sözsüz ki, biz onların ultimatumunu nazirlikdə də analiz etdik və öyrəndik ki, "Qazprom" İran vasitəsilə Ermənistana 1 milyard kub metr qaz ötürə bilər. Onlar bir sıra investisiya həyata keçirəndən sonra erməni bazarının tələblərinə tam olaraq cavab verə biləcəklər. Bu təhlükə bizim üçün də var və energetika nöqteyi nəzərincə onun nəticələri çox ağır olacaq".

Qeyd edək ki, Tiflis "Qazprom"dan qaz alınması üçün danışıqlara başlayıb. "Qazprom"la bərabər, Gürcüstan İranla da danışıqlara start verib. Hazırda bu ölkənin qaza olan tələbatının böyük bir hissəsini Azərbaycan həyata keçirir.