Rəsmi Ankara Rusiyanın nəqliyyat vasitələrinin Türkiyə sərhədlərindən yük daşımasına qadağa qoyub.

Axar.az xəbər verir ki, 2015-ci ildə verilən icazənin müddəti ötən gün başa çatıb.

Beynəlxalq Avtomobil Daşıyıcıları Assosiasiyasının məlumatına görə, Türkiyə müddəti uzatmaqdan imtina edib. Rusiyanın Nəqliyyat Nazirliyi isə problemin aradan qaldırılması üçün hərəkətə keçib və Türkiyəyə yeni təkliflər göndərib.

Qeyd edək ki, ötən ilin noyabrında Türkiyənin Rusiyaya məxsus Su-24 bombardmançısını vurmasından sonra iki ölkə arasında vəziyyət gərginləşib. Rusiya 3 gün öncə Türkiyənin hava məkanını növbəti dəfə pozub.