Bolqarıstan Parlamentinin deputatları Cənub Axını layihəsinin yenilənməsinə qarşı çıxıblar.

Axar.az xəbər verir ki, bu barədə informasiyanı Bolqarıstan mətbuatı yayıb. Sonradan mətbuata açıqlama verən Sol Bolqarıstan fraksiyasının nümayəndəsi Tasko Yermenko bu layihənin yenidən fəaliyyətə başlatmaq niyyətini ölünü diriltməyə cəhd adlandırıb.

Qeyd edək ki, Türkiyə ilə münasibətlərin pozulmasından sonra Moskva Cənub Axını layihəsinin reallaşdırılması üçün Sofiya ilə danışıqlara başladı. Kremlin əsas məqsədi bu qaz kəmərini Qara dənizin dibindən keçməklə Bolqarıstana, oradan da Avstriyaya çatdırmaq idi.

Bolqarıstan isə Cənub Qaz Dəhlizinin fəaliyyətə başlanmasında və Xəzər qazının Avropaya daşınmasında maraqlı olduğunu rəsmən bəyan edib.