Ermənistan Xarici İşlər nazirinin müavini Şavarş Köçəryan yaxın günlərdə Ermənistanın Rusiyadakı səfiri vəzifəsinə təyin ediləcək.

Axar.az xəbər verir ki, bu barədə informasiyanı Ermənistanın "Joxovurd" qəzeti yayıb. Qəzet Ermənistan XİN-in bu məsələni nə təkzib, nə də inkar etdiyini bildirib.

Qeyd edək ki, Şavarş Köçəryan İrəvanda anadan olub. O, 1988-1990-cı illərdə Qarabağın Ermənistana birləşdirilməsi ilə bağlı başladılan prosesdə əsas fəallardan biri olub. Serj Sərkisyanın 2008-ci ildə prezident seçilməsindən sonra ona xarici işlər nazirinin müavini vəzifəsi verilib. Köçəryan Azərbaycan və azərbaycanlılara qarşı sərsəm açıqlamaları ilə seçilir. Şovinist olan Köçəryan Azərbaycana qarşı məkrli addımların atılmasında və təxribatlarda xüsusi rol oynayır.

Hazırda Ermənistanın Rusiyadakı səfiri funksiyasını Oleq Yesayan yerinə yetirir. O, bundan öncə Qarabağ separatçılarının "spikeri" idi.