Dünən axşam Ankarada baş verən teraktın İŞİD tərəfindən törədildiyi istisna olunmur.

Axar.az xəbər verir ki, Türkiyə KİV-ində yayılan məlumatlara görə, terror təşkilatının türk dilində yayımlanan "Konstantiniyyə" jurnalının son sayında Türkiyə Silahlı Qüvvələri hədəf göstərilib.

Yazıda "Türkiyə ordusu NATO ilə birgə müsəlmanları öldürür" sözləri qeyd edilib. "Tağuta (şeytan – red.) söymək imanın ilk hökmüdür. Tağuta söymədən iman təmiz olmaz" sözləri ilə Türkiyə ordusuna qarşı mübarizəyə çağırış edilib.

Jurnalda türk ordusu və polisində xidmət edənlərin "kafir" olduğu qeyd olunur. Məqalənin sonunda isə "Yer üzünün bütün tağutlarına son sözümüz budur ki, artıq İslam Dövləti var, sizə rahatlıq yoxdur..." sözlərinə yer verilib.

Xatırladaq ki, "Sözcü" qəzeti 28 nəfərin həlak olduğu terroru Suriya əsilli 24 yaşlı Salih Necarın törətdiyini yazıb. Məlumata görə, PYD (PKK) döyüşçüsü olan Salih Nacar suriyalı qaçqınlarla bərabər Türkiyəyə keçib.