İrəvan cəbbəxanasını zənginləşdirməklə Azərbaycan və Türkiyəyə təsir göstərməyə çalışır.

Bunu Axar.az-a analitik Tofiq Abbasov söyləyib.

Politoloqun fikrincə, Ermənistan təhlükəli siyasi kurs götürüb. Ekspertin sözlərinə görə, ölkənin siyasi elitası Sərkisyan zümrəsinin qurbanına çevrilib.

"Ermənistan artıq bölgə üçün təhlükəyə çevrilir. Vaxtaşırı ətrafında olan bütün dövlətlərə qarşı ərazi iddialarını aktuallaşdıran İrəvanın bu vəhşi konsepsiyasının kökündə qarətçilik prinsipi durur. Bu kursun sonu yoxdur və sonda ermənilərin faciəsinə çevriləcək",- deyə siyasi şərhçi qeyd edib.

T.Abbasovun sözlərinə görə, Rusiyadan müdafiə və hücum silahları alan Ermənistan müharibəyə hazırlaşdığını nümayiş etdirir:

"Azərbaycan və Türkiyə həm ayrılıqda, həm də birlikdə kifayət qədər üstün potensiala malikdir. İrəvanın yeganə qazancı Azərbaycan torpaqlarından qoşunları çıxarmaq, dinc qonşuluq siyasətinə üz tutmaq olacaq".