Türkiyənin Diyarbəkir vilayətinin Sur rayonunda anti-terror əməliyyatı keçirilib.

Axar.az xəbər verir ki, mühasirəyə alınan 13 terrorçu sonda təslim olub.

Terrorçuların yanında 4 yaşlı uşaq da olub.

Təslim olan başqa bir PKK üzvü zorla təşkilat sıralarına qoşulduğunu deyib:

"Atam gəldi. "Onu mənə verin" dedi. Onlar da atamı döydülər. Evlərə girib telefonları oğurlayırdılar. Dini təhqir edirdilər. "Mən dinimi sevirəm" dedim. Onlar isə "Ölsən, Məhəmmədin yanına gedərsən" dedilər".

Xatırladaq ki, iki gün öncə sözügedən rayonda 15 PKK terrorçusu çılpaq şəkildə təşkilatdan qaçaraq hüquq mühafizə orqanlarına təslim olub.