Hazırda Türkiyə “Sezar”la demək olar ki, eyni parametrlərə malik MKE YAVUZ T-155 haubitsalarını istehsal edir. Qardaş Azərbaycan da istənilən vaxt bu haubitsaları əldə edə bilər.

Bu sözləri Axar.az-a açıqlamasında Türkiyə Silahlı Qüvvələrinin ehtiyatda olan polkovniki, Şimali Kipr Türk Respublikasının Girnə Amerikan Universitetinin Beynəlxalq münasibətlər kafedrasının müəllimi Sadiq Akyar Ermənistanın Fransadan “Sezar” haubitsaları almaq üçün müqavilə imzalamasını şərh edərkən deyib.

O bildirib ki, atış məsafəsi 40 km olan “Sezar”lar sürətlə yerini dəyişmək xüsusiyyətinə görə çətin hədəf sayılır:

“Topu daşıyan yük maşınının sürəti isə saatda 90-100 km-yə qədərdir. Beləliklə onu müəyyən etmək və vurmaq çətinləşir. Ona görə də bu haubitsaları Ermənistan ordusunu gücləndirəcəyi qənaətimizi bir daha təkrarlayırıq”.