Lənkəranda baş verən yol qəzasında ikisi azyaşlı olmaqla üç nəfər xəsarət alıb.

Axar.az xəbər verir ki, hadisə Aşağı Nüvədi qəsəbəsi ərazisində yerləşən "Xəzər Palas" istirahət mərkəzinin qarşısında baş verib. Xəsarət alanlar dərhal Lənkəran rayon mərkəzi xəstəxanasına çatdırılıb.

İlkin diaqnostik müayinələrdən sonra ən ağır vəziyyətdə olan 9 yaşlı Əbdülov Şamo Şəmşir oğlu baş beyinin ağır dərəcəli zədələnməsi diaqnozu ilə koma vəziyyətində reanimasiya şöbəsinə yerləşdirilib. Həkimlərin səylərinə baxmayaraq, 9 yaşlı Şamo vəfat edib.

Xəsarət alanların olduğu bildirilən "Vaz 2106"-nın sürücüsü 28 yaşlı Əbdülov Qabil Muxtar oğlu və 12 yaşlı Əbdülova Elvira Şəmşir qızı baş və bədənin müxtəlif nahiyələrinin sınıq və travmaları ilə travmatalogiya şöbəsinə yerləşdiriliblər. Vəziyyətləri orta ağır qiymətləndirilir.

Faktla bağlı Lənkəran Şəhər-Rayon Polis Şöbəsində cinayət işi açılıb, araşdırma aparılır.