Qənirə Paşayeva Çanaqqalanın On səkkiz Mart Universitetində "Azərbaycan və Türkiyə bir millət, iki dövlət münasibətlərinin dünəni, bu günü və gələcəyi" adlı konfrans keçirib.

Axar.az xəbər verir ki, millət vəkili geniş məruzə ilə çıxış edib.

Q.Paşayeva bildirib ki, vaxtilə Azərbaycana qarşı terror törədənlər indi də müxtəlif terror təşkilatları içərisində Türkiyəyə qarşı çirkin addım və planlarını davam etdirirlər.

Deputat Xocalı soyqırımı və Qarabağda törədilən cinayətlərdə birbaşa əli olan Ermənistanın Müdafiə naziri Seyran Ohanyanın Türkiyə əleyhinə terrora dəstək verdiyini qeyd edib.

Universitetinin rəhbərliyi millət vəkilini yaxın zamanlarda yenidən konfrans keçirmək üçün Türkiyəyə dəvət edib.

Q.Paşayeva konfransdan sonra bölgənin fəal gənclər və qadın təşkilatları ilə geniş fikir mübadiləsi aparıb.