Ana səhifə Gündəm |
00:43
Avropa Azərbaycan Cəmiyyəti (AAC) BBC kampaniyasına
Ermənistan-Azərbaycan qoşunlarının təmas xəttindəki son qarşıdurma
ilə bağlı tutduğu qərəzli və tərəfli mövqeyi qınayıb.
APA-nın xəbərinə görə, cəmiyyətin məktubunda
BBC-nin daim tərəfsiz və obyektiv xəbər prinsipinə sadiq qaldığı
xatırladılır.
"Lakin BBC son hadisə ilə bağlı xəbərlərdə BMT Təhlükəsizlik
Şurasının bu münaqişəyə dair qəbul etdiyi qətnamələri qeyd etmir.
Halbuki bu qətnamələr Ermənistan silahlı qüvvələrinin Azərbaycanın
süveren ərazilərindən dərhal, tam və qeyd-şərtsız çıxarılmasını
tələb edir. Hansı ki, bundan sonra bir milyon azərbaycanlı qaçqın
və məcburi köçkün öz yurd-yuvalarına qayıda bilər", - məktubda
bildirilir.
"Əgər Ermənistan qeyri-qanuni olaraq uzun illər Azərbaycanın
ərazilərini işğal altında saxlamasaydı, orada münaqişə olardımı?
BBC Liviya, İraq və Suriya kimi münaqişələrlə bağlı BMT-nin bəyanat
və qətnamələrinə daim istinad edib. BMT-nin bu məsələyə dair
mövqeyini də qeyd etmək daha məqsədə uyğun olmazdımı?" - etiraz
məktubunda vurğulanır.
AAC həmçinin BBC-nin məsələnin "xristian Ermənistanı ilə müsəlman
Azərbaycanı arasında dini münaqişə" kimi təqdim etməsinə də
etirazını bildirib: "Bu münaqişə iki tərəfin dini fikir ayrılığı
ilə bağlı deyil. Bu, ötən əsrin 90-cı illərindən başlayaraq
Azərbaycan torpaqlarının zəbt edilməsidir. İndi isə açıq-aşkar daha
da çox torpaq işğal etmək cəhdidir".
Eyni zamanda, BBC-də yayılmış yazılardan birində "Qarabağ" sözünün
fars kökənli olduğunun qeyd edilməsi də qınanılıb:
"Qarabağ" Azərbaycan sözüdür, eləcə də Dağlıq Qarabağ
Azərbaycanın ərazisidir".
AAC sosial media və email vasitəsi ilə BBC-nin tərəfli mövqeyinə
etiraz etməyə çağırıb.
01:22
BBC kampaniyası Ermənistan Azərbaycan qoşunlarının təmas
xəttindəki son qarşıdurma ilə bağlı Rayhan Demytrienin məqaləsinə
bəzi düzəlişlər edib.
Məqalədə Avropa Azərbaycan Cəmiyyətinin etiraz məktubunda
göstərdiyi məqamların bəziləri əlavə edilib, korrektələr
olunub.
Tarix
2016.04.04 / 01:22
|
Müəllif
Axar.az
|