Rusiyanın NTV kanalı Azərbaycana qarşı növbəti təxribatı həyata keçirib.

Axar.az xəbər verir ki, telekanal Qarabağ separatçılarının "Moksva nümayəndəsi" Albert Andryanın müsahibəsindən sonra Tərtərdə düşmənin atdığı mərminin yararsız hala saldığı VAZ-2107 markalı avtomobili təqdim edib. Bundan sonra televiziyanın aparıcısı atəş nəticəsində 2 uşağın həlak olduğunu bildirib.

Əslində isə kadrlarda görünən avtomobil ermənilərin atdığı minaatan mərmisi nəticəsində Tərtərin Qarağac kəndindəki dağıntını əks etdirir. Erməni vandallarının dicn əhalini hədəf alması evin dağılmasına, avtomobilin yararsız hala düşməsinə və iki mülki şəxsin ölümünə səbəb olub. Belə ki, Ağdam rayonundan məcburi köçkün Cəlal Rəhimov həlak olub, onun oğlu Orxan Rəhimov isə ayaqlarını itirib. O.Rəhimov xəstəxanaya aparılarkən yolda keçinib.

Maraqlıdır ki, NTV bunların heç birinə nəzər yetirmədən ermənilərin bir müddət öncə iki uşağın ölməsi ilə bağlı yaydığı məlumatı məhz həmin kadrlarla birgə təqdim edib.

Digər önəmli məqam isə NTV-nin qondarma rejimi müstəqil dövlət kimi təqdim etməsidir.