Gürcüstanın Xarici İşlər naziri Mixail Canelidze ilə Azərbaycanın Xarici İşlər naziri Elmar Məmmədyarov arasında telefon danışığı olub.

APA-nın Gürcüstan XİN-ə istinadən verdiyi məlumata görə, gürcü nazir Dağlıq Qarabağda, təmas xəttində gərginliyin artmasından və dinc əhali daxil olmaqla, insanların ölməsindən dərin narahatlığını ifadə edib. O bildirib ki, hərbi əməliyyatların dayandırılması və sülhün təmin olunması xüsusi əhəmiyyət kəsb edir. Nazir ümid etdiyini bildirib ki, bütün regionda sülh və stabilliyi təmin edəcək vəziyyətin deesakalasiyası beynəlxalq ictimaiyyətin səyləri nəticəsində mümkündür.

M. Canelidze ermənistanlı həmkarı ilə də telefon danışığı aparmağı planlaşdırır.