Yuxarı

Ramil Usubov Həmbriklə görüşdü

Ana səhifə Gündəm
12 Punto 14 Punto 16 Punto 18 Punto

Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü çərçivəsində həllinin tərəfdarıyıq.

Bu fikir aprelin 5-də Azərbaycanın daxili işlər naziri, general-polkovnik Ramil Usubov ilə ölkəmizdə səfərdə olan ABŞ-ın Nevada Ştat Assambleyasının sədri Con Həmbrikin görüşündə səslənib.

Axar.az Daxili İşlər Nazirliyinin saytına istinadən xəbər verir ki, nazir respublikamızın Birləşmiş Ştatlarla bütün sahələrdə münasibətlərin inkişafına böyük əhəmiyyət verdiyini qeyd edib. Ramil Usubov Azərbaycan Prezidenti İlham Əliyevin bu yaxınlarda Vaşinqtonda keçirilən IV Nüvə Təhlükəsizliyi Sammitində iştirakının, ABŞ-ın yüksək vəzifəli rəsmi şəxsləri ilə keçirdiyi görüşlərin, apardığı danışıqların əməkdaşlığın daha da dərinləşməsinə təkan verəcəyini vurğulayıb.

Problemlərdən danışan daxili işlər naziri ölkəmizin transmilli mütəşəkkil cinayətkarlığın növlərindən olan terrorçuluqdan əziyyət çəkdiyini, hələ ötən əsrin 80-ci illərinin sonları - 90-cı illərin əvvəllərində Ermənistan xüsusi xidmət orqanlarının təşkil etdiyi 32 terror aktı nəticəsində 2 mindən çox vətəndaşımızın qətlə yetirildiyini bildirib. Eyni zamanda, 2001-ci il 11 sentyabr hadisələrindən sonra Azərbaycanın ABŞ-ın təşəbbüsü ilə yaradılmış anti-terror koalisiyasında fəal iştirak etdiyi, respublikamızın bu qlobal bəlaya qarşı mübarizəyə öz töhfələrini verdiyi qonağın nəzərinə çatdırılıb.

Azərbaycanın əmin-amanlığın yüksək səviyyədə qorunduğu təhlükəsiz dövlətlərdən biri olduğu, burada müxtəlif dinlərdən, millətlərdən olan xalqların tarixən mehriban qonşuluq və dostluq şəraitində yaşadıqları, 2016-cı ilin respublikamızda "Multikulturalizm ili" elan edildiyi vurğulanıb.

Səmimi görüşə və ətraflı məlumata görə təşəkkür edən Con Həmbrik 2014-cü ildə ölkəmizdə insan alverinə qarşı mübarizəyə həsr olunmuş beynəlxalq konfransda iştirakını xatırladıb. O, ötən dövrdə Bakının simasının xeyli dəyişdiyini və gözəlləşdiyini diqqətə çatdırıb.

Qonaq Nevada ştatının ölkəmizlə ticari-iqtisadi əməkdaşlıqda maraqlı olduğunu, rəhbərlik etdiyi ştatın assambleyasının respublikamıza dəstək ifadə edən qətnamə qəbul etdiyini söyləyib. Con Həmbrik Ermənistan-Azərbaycan, Dağlıq Qarabağ münaqişəsinin respublikamızın ərazi bütövlüyü və suverenliyi çərçivəsində həllinə tərəfdar olduğunu deyib, bu məsələdə hər zaman ölkəmizin yanında olacaqlarını bildirib.

Tarix
2016.04.05 / 20:48
Müəllif
Axar.az
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla