Çilinin "La Tercera" qəzetində Ermənistan-Azərbaycan qoşunlarının təmas xəttində yaranmış son gərginlik barədə məqalə dərc olunub. Məqalədə Ermənistan-Azərbaycan, Dağlıq Qarabağ münaqişəsinin tarixindən ətraflı bəhs edilir.

AzərTac xəbər verir ki, Dağlıq Qarabağın Azərbaycanın beynəlxalq səviyyədə tanınmış tarixi ərazisi olduğu faktlarla diqqətə çatdırılır. Bildirilir ki, Ermənistan tərəfindən aparılan hərbi təcavüz nəticəsində Dağlıq Qarabağ və yeddi ətraf rayon da daxil olmaqla, Azərbaycan ərazisinin 20 faizi işğal edilib, bir milyondan çox azərbaycanlı qaçqın və məcburi köçkün vəziyyətinə düşüb, mülki əhaliyə qarşı qətliamlar, o cümlədən Xocalı soyqırımı törədilib.

Məqalənin sonunda BMT Təhlükəsizlik Şurasının məlum dörd qətnaməsi, eləcə də digər beynəlxalq təşkilatların münaqişə ilə əlaqədar qəbul etdiyi sənədlərdən bəhs olunur.