Ordumuzun nəzarəti altına keçən Ağdarə rayonu Talış kəndindəki yüksəklikdə kəndə gedən yolu göstərən lövhə vurulub.

Bu barədə ANS-in cəbhə bölgəsinə ezam olunmuş xüsusi muxbiri Rahib Qərib məlumat verib.

Hərbçilərin sözlərinə görə, əsgərlərimizin əzmi sayəsində bu yüksəkliklər azad edilib.

"İndi Tapqaraqoyunlu kəndi tam təhlükəsiz vəziyyətdədir. Bu kənd əvvəllər mütəmadi şəkildə düşmən atəşinə məruz qalırdı. Hazırda düşmənin Tapqaraqoyunluya atəş açması qeyri-mümkündür", - hərbçimiz bildirib.

Müxbirin sözlərinə görə, əvvəllər kənd camaatı hətta ölülərini belə dəfn edə bilmirdilər.

"Kəndin ətrafında divar çəkilmişdi. Artıq bu səddi ermənilər çəkməlidir. Çünki indi onların yaşadığı ərazilərə Azərbaycan ordusu nəzarət edir. Buradan Ağdərə rayonu Marquşavan kəndinə qədər əraziləri tamamilə müşahidə etmək mümkündür. Ordumuz yüksəklikdə istənilən silahdan istifadə edib düşmənin digər bölmələrinə zərbə endirməyə hazırdır. Ermənilər hazırda qorxu altında yaşayırlar. Çox güman ki, onlar tezliklə bu mövqeləri tərk edəcəklər", - deyə Rahib Qərib bildirdi.