Avropa Birliyinin siyasi lideri rolunu oynayan və dünyanın ən demokartik ölkələri sırasında adı çəkilən, “demokratiya ixrac edən” dövlət statuslu Fransada baş verən dəhşətli soyqırımla bağlı tarixçi alim Zaur Əliyev fotolar paylaşıb.

Axar.az xəbər verir ki, hadisənin 63-cü ildönümü ərəfəsində alim fotofaktları bu təqdimatla paylaşıb:

“1961-ci il 17 oktyabr. Fransa polisi Əlcəzairdəki müharibəyə etiraz edən 30 min müsəlmanın kütləvi etiraz aksiyasını dağıtmağa 7 min polis və 1400 əsgərini cəlb edir və kütləvi qırğınlar başlayır.

Öldürülənlərin sayını təxmin etmək olmur. Fransa polisi döyülərək huşunu itirən etirazçıları ölmüş adı ilə Sena çayına atmışdır. Buna görə yüzlərlə insan itkin kimi qeydiyyata alınıb. 11 min nümayişçi həbs edilir və ağır işgəncələrə məruz qalırlar.

Tarixdə “Paris qırğını” kimi qalan bu hadisəni Fransa rəsmiləri gizlətməyə cəhd edirlər”.