Axar.az
Yuxarı

Milli Qəhrəmanlar müharibə çağırışı etdi

Ana səhifə Gündəm
12 Punto 14 Punto 16 Punto 18 Punto

Aprelin 2-də başlanan hərbi əməliyyatlar uzun illərdən sonra xalqda böyük bir ruh yüksəkliyi, döyüş əzmi yaratdı. Başlanan hərbi əməliyyatların məhz Kəlbəcərin işğal gününə təsadüf etməsi də insanlarda torpaqları azad etmək istəyi, döyüşə atılmaq həvəsinin baş qaldırmasına səbəb oldu.

Milli Qəhrəman Məhəmməd Həsənov Modern.az saytına açıqlamasında deyib ki, gələcəkdə başlanacaq hərbi əməliyyatların Şuşanın, Laçının və başqa işğalda olan rayonlarımızın işğal tarixinə təsadüf etməsi böyük uğur olardı:

"Aprelin əvvəlində başlanan hərbi əməliyyatların Kəlbəcərin işğal günlərinə təsadüf etməsi məni çox sevindirdi. Mən arzu edirəm ki, yenidən daha geniş miqyaslı hərbi əməliyyatlar Laçının, Şuşanın və başqa rayonların işğal günlərində baş tutsun. Onda torpaqlarımızın işğal tarixlərini qələbələrimizlə əvəzləyərik.

Mən döyüşlərdə Talış kəndinin iki dəfə alınmasında iştirak etmişəm. O zaman erməni ordusunun başını əzib onları yerlə yeksan etmişik".

Məhəmməd Həsənov köhnə döyüşçü kimi ordumuza hər zaman bələdçilik etməyə hazır olduğunu söyləyib:

"Qarabağı beş barmağım kimi tanıyıram. Bu gün də gedib oralarda ordumuza kömək, bələdçilik etməyə, vuruşmağa hazıram. Onlar çox qudurublar. Ermənilərin ağızlarını əymək, başlarını əzmək lazımdır".

Keçmiş döyüşçü düşünür ki, bu gün xalqımızda yüksək döyüş əhval-ruhiyyəsi var:

"Bu gün xalqımızda döyüş əhval-ruhiyyəsi çox yüksək səviyyədədir. Talışda gedən əməliyyatlarda ora baş çəkdim. Əsgərlərin əhval-ruhiyyələri yüksək səviyyədədir. Təsəvvür edin ki, 1992-ci ildə gördüyüm əhval-ruhiyyə indi də var. Ancaq əməliyyatlar çox tez dayandı. Ali Baş Komandanımız nə zaman lazım bilib əmr versə, biz də hazırıq", - Məhəmməd Həsənov bildirib.

Milli Qəhrəman Maşallah Abdullayev də döyüşçü yoldaşı Məhəmməd Həsənov kimi düşünür. Maşallah Abdullayev deyib ki, başqa işğal altında olan rayonlarımızın işğal günlərində yenidən irəli atılmalıyıq:

"Aprelin əvvəli Kəlbəcərin işğalı günləri ordumuz hərbi əməliyyatlarda uğurlar əldə etdi. Arzu edirəm ki, Laçınının, Şuşanın, Cəbrayılın işğal günlərində əməliyyatları başlayıb düşmənin başını əzək, torpaqlarımızı tam azad edək. Ermənilər gündən-günə daha da çox atmağa başlayırlar. Tapqaraqoyunlu kəndi bizə çox yaxındır. Hər gün müşahidələr aparıram. Talış istiqamətində Ağ Uçuq meşəsindən snayperləri, iri çaplı pulemyotlar işləyir. Onlar yenə də silahı yerə qoymayıblar, təxribatlarla məşğuldurlar".

Maşallah Abdullayev hesab edir ki, belə getsə, tez bir zamanda yenidən hərbi əməliyyatlar başlanacaq:

"Mən elə bilirəm ki, tez bir zamanda torpaqlarımız geri qaytarılmasa, biz yenidən hərbi əməliyyatlara başlayacağıq. Düzdür, itkilərimiz olacaq, amma geri almalıyıq. Biz bunu neçə illərdir gözləyirik. Biz yenidən, bir daha hərbi əməliyyatlara başlamalıyıq. Çünki torpaqlarımız bizi gözləyir. Erməni bizlə bacarası deyil. Bu qədər yüksək ruhlu döyüşçülərlə ermənini məhv edərik.

Ali Baş Komandanımızın əmrini gözləyirik. Ermənilər bizdən qorxurlar. Atəşkəs əldə olunmasına baxmayaraq, ermənilər hər gün atəşkəsi pozurlar. Belə getsə, əlbəttə ki, hərbi əməliyyatlar qaçılmaz olacaq".

Milli Qəhrəman Vahid Quliyevin fikrincə, torpaqların işğaldan azad etmək üçün hansısa xüsusi günə ehtiyac yoxdur: "Biz bu gün çalışırıq ki, sülh və diplomatiya yolu ilə torpaqlarımız işğaldan azad edilsin. Son hadisələr erməni tərəfinin təxribatlarının qarşısını almaq üçün atılan addımlar idi. Bu o demək deyil ki, biz hər işğal günləri qarşı tərəfə hücum edəcəyik. Təbii ki, torpaqlarımı sülh yolu ilə azad olunmasa, hər hansı gündən asılı olmayaraq, Prezidentimizin əmri ilə döyüşə atılmağa hazırıq. Ordumuz da, mülki əhalimiz də bu günü çoxdan gözləyir və buna həmişə hazırıq".

Tarix
2016.04.22 / 16:55
Müəllif
Axar.az
Şərhlər
Digər xəbərlər

Bu ordunun qarşısında heç kim dayana bilməzdi – Xaindrava

Eldar Həsənovun qızı Mehriban Əliyevaya müraciət etdi

Bayramov polşalı həmkarına erməni təxribatından danışdı

Burada sakinlər ölülərlə birgə yaşayırlar - Foto

ASAN xidmət "Baykar Makina" ilə araşdırma mərkəzi yaradır

O, vasitəçilik edir: Ərdoğanla Nikol harda görüşəcək?

Gürcüstanlı jurnalist və ekspertlər Şuşada - Foto

Ombudsmandan tapşırıq: Şəhid ailələri ziyarət edildi

GUAM XİN-in 37-ci iclasının protokolu qəbul edildi

Daha bir ölkədə Azərbaycan Evi açıldı

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla