Türkiyə NATO-ya inteqrasiya olunan raketdən müdafiə sistemləri yaradacaq.

Axar.az xəbər verir ki, bunu Türkiyə mətbuatına açıqlamasında Müdafiə Sənayesi Departamentinin sədr müavini İsmayıl Dəmir söyləyib. Onun sözlərinə görə, Türkiyə yenidən raketdən müdafiə sisteminin işlənilməsi üçün 3,4 milyard dollarlıq tender elan edəcək:

"Biz yeni tender elan edəcəyik. Bu tenderdə "Roketsan" və "Havelsan" şirkətləri də iştirak edəcək. Biz həmçinin kiçik, orta və uzun məsafəli sistemlərin işlənilməsini davam etdiririk".

Qeyd edək ki, Türkiyə raketdən müdafiə sistemlərinin hazırlanması üçün tenderi 2009-cu ildə elan edib. Tenderdə Çinin CPMİEC, ABŞ "Raytheon & Lokxid Martin", Avropa Birliyinin "Yevrosam", Rusiyanın isə "Rosoboroneksport" şirkətləri iştirak ediblər. 2013-cü ilin sentyabrında bu tenderin qalibi Çinin CPMİEC şirkəti olsa da, sonradan tərəflər arasında razılığın əldə edilməməsi nəticələrin ləğvinə səbəb olub.