Türklərin etiraf etməsi üçün göstərdiyiniz inadkarlıq sizin özünüzün də hər şeyə inanmadığınızı göstərir.

Axar.az xəbər verir ki, bu sözləri Rusiya baş nazirinin keçmiş müavini Alfred Kox öz Feysbuk səhifəsində yazıb.

Onun sözlərinə görə, qondarma erməni soyqırımının təbliği gülüncdür:

"Mən başa düşə bilmirəm, qondarma erməni soyqırımının türklər tərəfindən tanınması sizin nəyinizə lazımdır? Onlar tanımasa nə olacaq, elə çıxacaq ki, "soyqırım" olmayıb? Onu sizin özünüzün tanımanız yetərli deyil?

Əgər qondarma erməni soyqırımı faktı Yerin kürə şəklində olması kimi təkzibedilməz faktdırsa, o zaman "cahillərin" onu tanıması nəyinizə lazımdır? Kimsə Yerin yastı olmasına inanırsa, Yer kürə formasını itirəcəkmi? Başqa dillə desək, cinayətin dəlilləri var, amma qatil suçunu etiraf etməyəndə həbsxanaya düşməkdən qurtulurmu? Fakt varsa, etiraf nəyə lazımdır?

Türklərin etiraf etməsi üçün göstərdiyiniz inadkarlıq sizin özünüzün də hər şeyə inanmadığınızı göstərir.

Nəhayət, beynəlxalq məhkəməyə müraciət edin. Qoy onlar hüquqi qərar çıxarsınlar. Bu məsələni birdəfəlik, türklərin etirafı olmadan bağlayın".