Rusiyada yaşayan azərbaycanlı bloger Hüseyn Həsənov Çeçenistanın lideri Ramzan Kadırovla birgə səyahətə çıxıb.

Axar.az xəbər verir ki, bu barədə bloger İnstaqram səhifəsində paylaşım edib.

Paylaşımda Ramzan Kadırovu “böyük qardaş” adlandıran Həsənov onunla birlikdə vaxt keçirməkdən şad olduğunu deyib:

“Böyük qardaşımla Çeçenistanın dağlarında olduq - bu yerlərin əzəmətini sözlə ifadə etmək mümkün deyil. Hər şey buradadır: sakitlikdən inanılmaz enerjiyə qədər. Dincəlmək və enerji toplamaq üçün bir yer axtarırsınızsa, bura sizin üçündür”.

Bloger həmçinin paylaşdığı videoda bildirib ki, tezliklə Çeçenistanda toy edəcək. Ramzan Kadırov isə toyda tamada olacağına söz verib.