Azərbaycan Prezidentinin son müsahibəsi həm də Rusiyaya müəyyən mesajların verilməsi baxımdan önəmli idi.

Axar.az Globalinfo.az-a istinadla xəbər verir ki, bunu erməni politoloq Stepan Danielyan deyib.

“Müsahibənin əsas sualı Azərbaycanda NATO üzvünün (Türkiyə – red.) bazasının yerləşib-yerləşməyəcəyi və Moskva ilə Bakı arasında müqavilənin qüvvədə qalıb-qalmayacağı idi”, – deyən Danielyan qeyd edib ki, İlham Əliyev Azərbaycanda hansısa ölkənin hərbi bazasının yerləşdirilməsinə ehtiyac olmadığını diqqət çatdırıb.

Politoloqun sözlərinə görə, Rusiya məhz bu suala ictimai şəkildə cavab verilməsini gözləyirdi.

Danielyan həmçinin Azərbaycan və Türkiyənin xarici təsirlərə qarşı birgə mübarizə apardığını deyib:

“Azərbaycan hər il Türkiyə ilə onlarla təlim keçirir. Azərbaycan Ordusu həm də Türkiyə ordusudur və gələn il iki hərbi birlik vahid komandanlığa keçəcək”.