5 ildir davam edən Suriya müharibəsi artıq dünya ictimaiyyətinin gündəmindən düşüb. Əsəd qüvvələri Hələbə hücumlarını artırıb və mülki obyektləri vurur.

Axar.az xəbər verir ki, bu barədə Türkiyə Prezidentinin sözçüsü İbrahim Qalın "Hələb yanır" başlıqlı məqaləsində yazıb.

O, Bəşər Əsəd qüvvələrinin müxaliflərə qarşı Rusiyanın taktikasından istifadə etdiyini bildirib:

"5 ildir davam edən Suriya müharibəsi artıq dünya ictimaiyyətinin gündəmindən düşüb. Əsəd qüvvələri Hələbə hücumlarını artırıb və mülki obyektləri vurur. Rejim Rusiyanın "yalnız döyüşçüləri yox, onların ailələrini, evlərini və şəhərlərini də bombalamaq lazımdır ki, tək bir güllə belə atmadan mübarizədən imtina etsinlər" taktikasından istifadə edir. Hələb artıq ruhlar şəhərinə çevrilib, şəhərdə dağılmayan yer qalmayıb. Əgər Hələb Suriya rejiminin nəzarətinə keçərsə, xalqın sülh, azadlıq ümidi tükənəcək. Əgər BMT, ABŞ və Rusiya Suriyaya sülh gətirmək istəyirsə, bu hücumları dayandırmağa çalışmalıdır. Hələbə hücumların davam etdiyi vaxtda Cenevrə danışıqlarının heç bir mənası yoxdur".