Moskva Rusiya, Azərbaycan və Ermənistan liderləri Vladimir Putin, İlham Əliyev və Nikol Paşinyan arasında üçtərəfli sazişləri, xüsusən də regiondakı mövcud vəziyyət fonunda aktual hesab edir.

Axar.az xəbər verir ki, bunu Rusiyanın xarici işlər naziri Sergey Lavrov Moskvada erməni həmkarı Ararat Mirzoyanla görüşündə deyib.

“2020-ci və 2022-ci illərdə üç ölkə liderinin əldə etdiyi üçtərəfli razılaşmaların inkişafı istiqamətində Ermənistan və Azərbaycan arasında münasibətlərin bütün istiqamətlərdə normallaşdırılmasına lazımi kömək göstərməyə hazırıq”, - o bildirib.

Onun sözlərinə görə, xüsusilə regionda mövcud vəziyyət fonunda bu razılaşmalar hələ də aktualdır.