Türkiyədə AKP sədrinin müavini Həmzə Dağın Qəhrəmanmaraşda Azərbaycan Məhəlləsində keçirilən anım mərasimində çıxışı zamanı baş verən hadisə gündəm olub.

Axar.az Türkiyə mediasına istinadən xəbər verir ki, H.Dağın çıxışı zamanı onu Türkiyənin kənd təsərrüfatı və meşə naziri İbrahim Yumaklı və sənaye və texnologiya naziri Mehmet Fateh Kaçır müşayiət edib.

Həmin vaxt qəfil əsən külək böyük təşvişə səbəb olub. Nazirlərin çıxışı üçün düzəldilən tribunanın üstündəki örtüyün bir hissəsi külək nəticəsində qopub.

Mehmet Fateh Kaçırın panika anlarında sürətlə ərazini tərk etməsi diqqət çəkib.

Həmin görüntüləri təqdim edirik: