Ermənidən daha artıq ermənipərəst olan və İranın Ermənistan sevgisinin ifadəsi üçün yetişdirilən iranlı Ehsan Müvəhhedian erməni qardaşları ilə növbəti görüşündən məlumat və foto paylaşıb.

Axar.az xəbər verir ki, Müvəhhedian X sosial şəbəkəsində ermənilərlə görüşü haqda bunları yazıb:

“Erməni ziyalıları ilə görüşdə İrəvanla bağlı İranın qırmızı xətlərində qəti dəyişikliyin olmamasını (sərhədin qorunması və geosiyasi dəyişikliklər), Türkiyənin Suriyadakı siyasətinin İran və Ermənistan üçün təhlükəsini vurğuladıq”.

Müvəhedianın görüşdən paylaşdığı fotoda keçmiş, qondarma, özünü buraxmış “dqr”in “bayrağını” əzizləməsi də müşahidə olunur ki, bu, artıq bütün sərhədlərin keçilməsidir.

İranda müstəqil ekspertlər yoxdur və vaxtilə Tehran rəsmilərinin etiraf etdiyi kimi, bəzən dövlətin ifadə edə bilmədiyi mövqeyi “ekspertləri” vasitəsilə dilə gətirirlər. Bu baxımdan Müvəhhedianın “mövqeyi” diqqəti çəkir. Əks halda İran öz “ekspert”inə “Qarabağın Azərbaycan ərazisi olduğunu 30 ildir müdafiə etdiyi”ni başa salardı.