Ermənistanın Baş naziri Nikol Paşinyanla Fransa Prezidenti Emmanuel Makron arasında telefon danışığı baş tutub.

Axar.az xəbər verir ki, bu barədə Ermənistan hökumətinin mətbuat xidməti məlumat yayıb.

Baş nazir “Ermənistan və Azərbaycan arasında sülh və dövlətlərarası münasibətlərin qurulması haqqında müqavilə”nin mətninin təsdiqlənməsi və danışıqların başa çatması barədə Fransa prezidentinə məlumat verib.

Həmsöhbətlər Ermənistan-Fransa və Ermənistan-AB münasibətlərini, eləcə də Cənubi Qafqaz regionu ilə bağlı digər məsələləri də müzakirə ediblər.

Qeyd edək ki, Paşinyan bundan öncə Rusiya lideri Vladimir Putin və İran Prezidenti Məsud Pezeşkiana zəng edərək, Azərbaycanla sülh sazişi mətninin razılaşdırılması barədə məlumat vermişdi.