Azərbaycan və Ermənistan prezidentlərinin növbəti görüşü Fransada baş tuta bilər.

Axar.az xəbər verir ki, bunu Ermənistanın "Jamanak" qəzetinə Fransa Strateji Araşdırmalar mərkəzinin eksperti, politoloq Kayts Minasyan deyib.

"Müəyyən məsələlər var ki, bunu aydınlaşdırmaq lazımdır. Bu görüşə kim rəhbərlik edəcək; Fransanın Xarici İşlər naziri və yaxud Avropa məsələləri üzrə Dövlət katibi, yaxud Prezident Fransua Olland? Hələlik o da bəlli deyil ki, görüşdə həmsədr ölkələrin XİN rəhbərləri iştirak edəcək, ya yox. Mayda Vyanada baş tutan görüşü davam etdirməliyik. Bu vacibdir", - Minasyan bildirib.

Qeyd edək ki, prezidentlərin sonuncu görüşü mayın 16-da Vyanada baş tutub. Növbəti görüşün iyunda olması gözlənilir.