2024-cü il ərzində Ermənistan-Azərbaycan sərhədində vəziyyət ümumilikdə nisbətən sabit qalıb.

Axar.az xəbər verir ki, bu sözləri Ermənistan müdafiə naziri Suren Papikyan parlamentdə çıxışında deyib.

Onun sözlərinə görə, bu il Ermənistan ordusunda genişmiqyaslı və köklü islahatlara başlanılıb. Ordunun transformasiyası konsepsiyası hazırlanıb və təsdiq edilib.

“Müdafiə sektorunda da silah və hərbi texnikanın modernləşdirilməsi prosesi davam etdirilib. Bu məqsədlə müxtəlif yerli və beynəlxalq şirkətlərlə müqavilələr bağlanıb, mühəndislik işləri davam etdirilib, daimi yerlərdə tikinti və abadlıq işləri aparılıb”, - o vurğulayıb.