Bu gün korrupsiya ilə bağlı barəsində həbs qərarı verilən İstanbul Böyükşəhər Bələdiyyəsinin başqanı Əkrəm İmamoğlu haqqında terror ittihamına görə də qərar çıxarılıb.

Axar.az xəbər verir ki, sülh cəza məhkəməsi terror ittihamı ilə bağlı prokurorluğun Əkrəm İmamoğlu barəsində həbs tələbini rədd edib.

“Maliyyə istintaqı çərçivəsində onun cinayət təşkilatı yaratmaq və idarə etmək və tenderdə saxtakarlıq etmək ittihamı ilə həbsinə qərar verilib, terror cinayətləri istintaqında isə həbs edilməsinə ehtiyac olmadığı üçün vəsatət rədd edilib”, - məlumatda bildirilib.

Qeyd edək ki, Ə.İmamoğlu 19 martda korrupsiya və terror təşkilatına dəstək ittihamı ilə saxlanılmışdı. Ötən gün axşam saatlarında isə ədliyyəyə aparılmışdı.