Azərbaycanda səfərdə olan Türkiyənin baş naziri Binəli Yıldırım Fəxri xiyabanı ziyarət edib.

Report xəbər verir ki, B.Yıldırım ümummilli lider Heydər Əliyevin xatirəsini ehtiramla yad edib, məzarı önünə əklil qoyub.

Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

Türkiyənin baş naziri Şəhidlər Xiyabanını da ziyarət edib, "Əbədi məşəl" kompleksinin önünə əklil qoyub, torpaqlarımızın müdafiəsi uğurunda canlarından keçən qəhramanların xatirəsi hörmətlə yad edib.

B.Yıldırım daha sonra Türk şəhidliyini ziyarət edib, adidənin özünüə əklil qoyub, xatirə dəftərinə ürək sözlərini yazıb.