Qənirə Paşayeva Qananın Qadın Birliyinin sədri, Mari Salifu Boforonun rəhbərlik etdiyi Qana Parlament nümayəndə heyəti ilə görüşüb.

Axar.az xəbər verir ki, Azərbaycanın Qana ilə əlaqələrin inkişafına verdiyi böyük önəmdən danışan millət vəkili parlamentlərarası əməkdaşlığın genişlənməsinin vacibliyinə toxunub.

Deputat Dağlıq Qarabağ münaqişəsi ətrafında son vəziyyətdən də danışıb və Ermənistanın vandalizm aktları, körpə uşaqları qətlə yetirməsi, yüz minlərlə azərbaycanlı qadının pozulmaqda davam edən fundamental insan haqlarına laqeyd qalmamağa səsləyib.

Q.Paşayeva nümayəndə heyətinə Azərbaycanın iqtisadi potensialı, mədəniyyəti ilə bağlı da məlumatlar verib.