Bir müddət öncə Polşanın rusiyayönlü Zmiana Partiyasının (Dəyişiklik) NATO-ya qarşı keçirdiyi aksiya Avropadakı anti-Nato hərəkatı planının bir hissəsidir.

Axar.az xəbər verir ki, bu barədə informasiyanı Polşa Daxili Təhlükəsizlik Agentliyi yayıb. Agentlik Rusiyadan maliyyələşən bu hərəkatın NATO-nun Varşava sammiti zamanı etiraz aksiyaları keçirmək istədiyini bildirib. Xüsusi xidmət orqanları artıq Zmiana Partiyasının lideri Mateuş Piskorski və bir neçə digər üzvün ifadəsini alıblar. Məhz bu partiyanın üzvləri məxfi olaraq Vahid Rumıniya Partiyası, Slovakiya Xalq Partiyası və Macar İnqilab Hərəkatı ilə danışıqlar aparıblar.

Razılaşmaya əsasən, bu partiyalar iyulda Varşava sammiti əleyhinə keçirilən aksiyalarda iştirak etməli idilər. Polşa kəşfiyyatı artıq Rusiyanın Avropada anti-Nato təşkilatları şəbəkəsini yaratdığını da bildirib.