Türkiyə iki tərəfin - Azərbaycan və Ermənistanın, məsələn, liderlər səviyyəsində yaxınlaşmasında konstruktiv rol oynaya bilər.

Axar.az xəbər verir ki, bunu Türkiyə mətbuatına müsahibəsində Ermənistanın xarici işlər naziri Ararat Mirzoyan deyib.

“Məncə, Türkiyənin ictimai mövqeyi belədir ki, həll prosesimiz yaxşı gedir. Bu, mənim şəxsi şərhimdir. Məncə, qarşı tərəfdən başlasaq, Ermənistan-Türkiyə münasibətlərini tam şəkildə normallaşdıra bilsək, bu, şübhəsiz ki, Ermənistan-Azərbaycan münasibətlərinin nizamlanmasına müsbət təsir göstərəcək. Sual verdiniz ki: Türkiyə bu mövzuda müsbət rol oynaya bilərmi? Şübhəsiz ki, bəli”, - o bildirib.