Ana səhifə Gündəm |
Türkiyə Prezidenti Rəcəb Tayyib Ərdoğan bu gün səhər saatlarında İstanbulda törədilən terror aktında yaralanan şəxslərə baş çəkib.
Axar.az xəbər verir ki, Haseke Tədris və Araşdırmalar Xəstəxanasına gələn prezident yaralanmış mülki şəxs və polisləri ziyarət edib. O, şəhidlərə rəhmətə diləyib, yaralanmış polis və mülki şəxslərin tez bir zamanda sağalmasını arzulayıb:
"Millətcə başımız sağ olsun. İki yaralımızın vəziyyəti ağırdır. Birinin əməliyyatı hələ də davam edir. Digər xəstələrimizi də ziyarət etdik, durumları normaldır.
Terror təşkilatının mülki, polis və ya hərbçiyə hücumu bizim üçün eyni əhəmiyyət kəsb edir. Çünki nəticə etibarı ilə insan şəhid olur. Şəhidimiz var, ürəyimiz qan ağlayır. Amma hər şeyin bir bədəli var. Bu mübarizə qiyamətə qədər davam edəcək".
Qeyd edək ki, bu gün səhər saatlarında İstanbulun Vəznəçilər məhəlləsində ard-arda 2 partlayış törədilib. Nəticədə 11 nəfərə ölüb, 36 nəfər yaralanıb. Ölənlərdən 7-si polis əməkdaşı, 4 nəfər isə mülki şəxsdir.
Həlak olan şəxslərdən biri Azərbaycan vətəndaşıdır.
Tarix
2016.06.07 / 14:21
|
Müəllif
Hacı Qulu
|