Sevil Əliyevanın oğlu Azər Əliyev Azərbaycan Ağır atletika Federasiyasının vitse-prezidenti təyin edilib.

Axar.az xəbər verir ki, bu barədə yayılan məlumatı Sevil Əliyeva özü Virtualaz.org saytına təsdiqləyib. Sevil xanım bildirib ki, Azər Əliyev Azərbaycana kömək qərarı verib:

"O, Böyük Britaniyada gözəl təhsil alıb və magistrdir. Bundan əlavə, həmişə peşəkar səviyyədə idmanla və ağır atletika ilə məşğul olub. Azər Əliyev həmişə Azərbaycan yığma komandasının tərkibində müxtəlif yarışlarda iştirak edib. Onun çoxlu medalı var".

Sevil Əliyeva həmçinin bildirib ki. 30 yaşlı Azər Əliyev babasının – ümummilli lider Heydər Əliyevin evində yaşayır.