Rusiyanın Xarici İşlər naziri Sergey Lavrov Müstəqil Dövlətlər Birliyindəki (MDB) münaqişələr barəsində danışıb.

ANS-in məlumatına görə, Lavrov Rusiya Dövlət Dumasında "Hökumət saatı" çərçivəsində çıxışı zamanı deyib ki, MDB məkanındakı münaqişələr yalnız sülh yolu ilə həll oluna bilər.

"Bu, Rusiya-Ukrayna, Dağlıq Qarabağ, Dnestryanı və digər problemlərə aiddir. Əsas məsələ isə tərəflər arasında əldə olunan razılaşmalara əməl olunmasıdır.

Əminik ki, bütün bu böhran vəziyyətlərində əldə olunan razılaşmalara əməl olunsa idi, ümumavropa əməkdaşlığı sahəsində qüsurların öhdəsindən gəlmək daha asan olardı", - Sergey Lavrov bildirib.